O vindeiro 3 de outubro ás 19:00 horas, a Igrexa do Convento de Herbón acollerá un concerto extraordinario para celebrar a clausura do VIII Centenario do “Cántico das Criaturas”, a emblemática obra de San Francisco de Asís que exalta a beleza e irmandade de todo o creado.
O evento contará coa interpretación da Orquestra Clásica de Valga, baixo a batuta de Manuel Villar Touceda, e coas voces solistas da soprano Andrea Torrado García e do barítono Eliseu Mera Quintas, nun programa que conxuga espiritualidade, arte e compromiso coa natureza.
Unha ocasión única para gozar da música como ponte entre tradición franciscana e creación contemporánea, nun espazo cargado de historia e simbolismo. Entrada libre ata completar aforo.
Trátase dun programa musical altamente descritivo, en diálogo directo coas fontes haxiográficas de San Francisco de Asís. Na orquestración, a elección dun conxunto pequeno e deliberadamente sobrio que reflexa de forma coherente e simbólica os temas; a pobreza evanxélica e sinxeleza franciscana. Esta non é unha limitación, e polo tanto, non é mais que un comezo estético e espiritual, reflexado tanto no contido como na linguaxe musical empregada.
A Orquestra Clásica de Valga parte da base das Agrupacións de Cámara da Escola de Música Municipal de Valga inaugurada en 1996, dará froitos en 2021 co debut da Orquestra Clásica no concerto nas Letras Galegas. Ten participado en festivais, concertos e intercambios pola xeografía galega e peninsular en cidades como Guimarães, Astorga, Marín, Alba de Tormes, A Estrada, Caldas, Valga e Salamanca, entre outras.
Entre as actividades anuais, destacaremos o Campamento Musical de verán en lugares de toda a xeografía española e portuguesa. O ciclo Música coas Nosas Orquestras programa concertos de bandas de música galegas no Auditorio de Valga, e colabora co Concello de Valga no ciclo de música de cámara Música nas Igrexas.
A súa plantilla está composta por 8 Violíns – 2 Violas – 4 Violoncellos – 2 Contrabaixos – Clave.
O director, dende a súa creación, é Manuel Villar Touceda.
O autor / compositor: Emanuele Stracchi
Emanuele Stracchi (Italia, 1990) é un músico versátil: compositor, pianista, director de orquestra e clavecinista. Formado nos conservatorios de Terni e Roma, obtivo titulacións superiores en piano, composición, música aplicada e dirección, ademais de estudos en filosofía. Premiado internacionalmente como intérprete e compositor, actuou en salas como o Carnegie Hall de Nova York e o Concertgebouw de Ámsterdam. As súas obras foron interpretadas en Europa e América, e colaborou con institucións como RAI Radio 3, o Teatro de Roma e o Festival Suoni Controvento. Actualmente compaxina a creación musical coa docencia no Conservatorio “Puccini” de La Spezia.
🎼 Obras premiadas e comisionadas 
- “Little Jazz Symphony”: Encargo da Roma Tre Orchestra, premiada no Concurso Internacional Carl Reinecke.
- “Laudes Creaturarum”: Para soprano e cordas, sobre texto de San Francisco de Asís. Premio de Platino no World Melodia Championship 2024.
- “Oda a la asimetría”: Para pianista, premiada no Concurso Internacional de Música de Canadá.
- “All’Eterno dal Tempo”: Composición para cuarteto de frautas, recoñecida nos World Classical Music Awards.
- “Coppedè”: Para cuarteto de frautas, gañadora do Concurso Nacional Mandanici.
- “Prolegomeni per una drammaturgia”: Para acordeón e piano, seleccionada no Call For Scores de In.Nova Fert.
🎬 Música para teatro e cinema
- Bandas sonoras orixinais para filmes mudos como Pinocchio (1911), Dante: L’Inferno (1911) e Cenere (1916), interpretadas en directo en festivais e teatros como o Teatro Argentina de Roma.
- Colaboracións con MAG Teatro en espectáculos como La maledizione dei Caraibi e La Sposa Fantasma.
📚 Publicacións teóricas e didácticas
- La Musica e il Trauma (2018)
- Elementi di teoria e tecnica dell’armonia (2021)
- La Musica Ricercata da Ligeti (2024).
